गुरुको कथा
बोधको क्षण
श्री पञ्च सत्य सनातनको जीवनमा बोधको क्षण बाल्यकालमै सुरु भएको थियो, जब उनी माओवादी विद्रोहका बीच अपहरणमा परे। बन्दुकधारीहरूको घेराबन्दीमा हुँदा पनि उनले संसारिक पीडालाई आत्मिक शान्तिमा रूपान्तरण गर्ने साहसिक मार्ग रोजे। लदाखका हिमाली कन्दरामा रहँदा ध्यान, मौन र साधनाको अभ्यासबाट उनले जीवनको गहिरो अर्थ बुझे। विद्रोहीहरूले सिद्धान्त घोकाउँदै गर्दा उनी आत्मबोधमा डुबिरहेका थिए। यसै रहस्यमय यात्रामा विभिन्न योगी र सिद्ध पुरुषहरूसँगको गूढ भेटघाटले उनको अध्यात्मिक आँखा खुलेको थियो। यो आत्मज्ञान नै उनको जीवनलाई अध्यात्म, सेवा र साधनाको यात्रामा परिवर्तन गर्ने बोधको प्रमुख क्षण बन्यो।
उपलब्धिहरू
बाल्यकालमै कठोर संघर्ष भोग्दै पनि आध्यात्मिक मार्गमा स्थायी अडान।
भारत र नेपालका ५० भन्दा बढी सिद्धपीठ, हिमालय तथा तीर्थ क्षेत्रमा पदयात्रा र तपस्या।
२०७१ सालमा डा. स्वामी प्रपन्नाचार्यबाट ‘श्री पञ्च सत्य सनातन’ पदवीमा अभिषेक।
योग, ध्यान, अघोर साधनाजस्ता गहिरा अभ्यासहरूको मार्फत आत्मअनुभूतिको अनुभूति।
वैदिक, किरात, बौद्ध, इस्लामलगायत विभिन्न धार्मिक ग्रन्थहरूको अध्ययन र अनुसन्धान।
योगी नरहरिनाथको जीवनीमाथि आधारित महत्वपूर्ण ग्रन्थ पुनःप्रकाशन।
हालसम्म सयौं धर्मशास्त्र अध्ययन, दर्जनौं ग्रन्थ प्रकाशन र सम्पादन।
१०,००० किलोमिटर सिद्ध सम्पथ यात्रा अभियानको तयारीमा।
नेपाल तथा अन्तर्राष्ट्रिय स्तरमा सनातन धर्मको प्रचारप्रसार र मठ स्थापना अभियान।
शिक्षाहरूको उत्पत्ति
श्री पञ्च सत्य सनातनका शिक्षाहरूको मूल जरा वैदिक सनातन परम्परामा गाडिएको छ, जुन उनले बाल्यकालदेखि नै संघर्षपूर्ण जीवनमार्फत आत्मसात् गर्न थालेका थिए। बाबुको निर्मम हत्या र अपहरणजस्ता पीडादायी घटनाहरूले उनलाई भौतिकताबाट आध्यात्मिक मार्गतर्फ डोर्यायो। भारतको लदाख क्षेत्रका दुर्गम हिमाली कन्दरामा ध्यानस्थ रहँदा उनले योग, ध्यान, तपस्या, अघोर साधनाजस्ता जीवन रूपान्तरण गर्ने ज्ञानहरू प्राप्त गरे। विभिन्न योगी, सिद्ध पुरुषहरूसँगको गूढ भेटघाट र गुरुहरूको मार्गदर्शनबाट उनले वैदिक दर्शन, षड्दर्शन, उपनिषद्, आगम, पुराण, र अघोरमार्गजस्ता शिक्षाहरू आत्मसात गरे।
यी शिक्षाहरू केवल पुस्तकमा पढिएको ज्ञान होइन, जीवनका पीडा, मौन, गहिरो ध्यान र अनुभूतिबाट निस्केका सजीव अनुभूति हुन्। त्यसैले उनका उपदेशहरू व्यवहारिक, समावेशी र आत्मकेन्द्रित छन्। उनका शिक्षाहरू आत्मचिन्तन, शुद्ध जीवन, सम्प्रदायिक सहिष्णुता र सनातन मूल्यमान्यतामा आधारित छन्, जसको आधार स्वयं जीवनको अनुभव हो। यही अनुभव नै उनको शिक्षाको वास्तविक स्रोत हो, जुन आज हजारौं साधक र जिज्ञासुहरूका लागि प्रेरणाको ज्योति बनेको छ।
दृश्य समयरेखा
| 2042 | जन्म: कर्णाली प्रदेश, जाजरकोट, गोठगाउँमा राजवंशीय परिवारमा जन्म |
|---|---|
| 2052 | बाबुको माओवादीद्वारा हत्या, घरमा लुटपाट — जीवनमा गहिरो मोड |
| 2054/55 | बाल्यकालमै अपहरण — लदाख (भारत) पुर्याइयो, जबर्जस्ती माओवादी शिक्षामा समावेश |
| त्यहीँबाट आध्यात्मिक चेतनाको जागरण | |
| 2056 | नेपाल फिर्ता — गाउँमा एकान्त बसोबास गर्दै ध्यान र तपस्याको अभ्यास जारी |
| 2060-2068 | भारतमा सिद्ध गुरुहरू सँग साधना |
| जम्मु-कश्मीरदेखि कन्याकुमारीसम्म सिद्ध तीर्थ यात्राहरूk | |
| योग, ध्यान, अघोर र वैदिक साधनामा गहिरो समर्पण | |
| 2068 | नेपाल फिर्ता — डा. स्वामी प्रपन्नाचार्यसँग भेट, अध्ययन सुरु |
| दरबार हाई स्कूलबाट एस.एल.सी. पूरा | |
| वैदिक ग्रन्थ र शास्त्रीय शिक्षाको गहिरो अध्ययन | |
| 2070 | भारत प्रयागराजमा जगद्गुरु श्री राम कृपालु त्रिपाठीसँग विद्याशिक्षा |
| 2071 | ‘**श्री पञ्च सत्य सनातन**’ पदवीमा औपचारिक अभिषेक |
| प्रमुख वैदिक गुरुहरूबीच अभिषेक कार्यक्रम सम्पन्न | |
| 2075-2080 | वैदिक ग्रन्थहरू अनुसन्धान, योगी नरहरिनाथ ग्रन्थ पुनःप्रकाशन |
| विभिन्न पुस्तकहरूको प्रकाशन र संरक्षण कार्य | |
| 2082 | ‘योगी नरहरिनाथ अभिनन्दन ग्रन्थ’ को 1000 प्रति लोकार्पण |
| 2083 | सिद्ध सम्पथ १०,००० किलोमिटर हिमालय यात्रा तयारीमा |
| नेपाल, भारत, भूटान, चीन लगायत देशहरूमा सनातन मठ स्थापना योजना |